بتروحي الجامعة مع مين؟
بروح لوحدي. طيب بتذاكري مع مين بذاكر لوحدي. طيب في الأجازة بت.. لوحدي كل حاجة بحب اعملها لوحدي. لا مش بحب ولا مضطرة أنا متعودة. فات سنة ليا في الكلية اتعلمت فيها حاجات كتير. اتعلمت أصحى لوحدي من غير ما أفكر هنزل مع مين.
اتعلمت أمشي في الشارع عيني قدامي مبصش للناس حواليا. اتعلمت أمشي من باب الجامعة لباب الكلية في هدوء وأبعد عيني أي لمة أصحاب مع بعض. اتعلمت اهتم بمستقبلي وبمحاضراتي فبروح أول واحدة وبقعد في أول بنش وبكتب ورا الدكتور وبسأل وبتناقش معاه لأن مفيش حاجة مهمة في حياتي قد المذاكرة.
أنا نفسي مش مهمة.
بس ده بيني وبين نفسي ومش هقول لحد.
ماما أنا جيت.
تعالي تعالي شوفتي عمتك عملت إيه
عىلاقتي مع ماما اتحسنت اكتشفت الفترة اللي فاتت إني ظىلمتها سنين طويلة أنا اتغيرت وهي اتغيرت تغيري بالنسبالها مش مقبول وتغييرها بالنسبالي سنة الحياة زي ما كل الناس بتكبر فعادي المهم إنها الوحيدة اللي بتحبني الوحيدة اللي بتحبني بجد من قلبها.
حضرتك عاوز حاجة تانية مني يا بابا
لا روحي.
بقيت مؤدبة أنا في الأساس والله مؤدبة لكن الفترة اللي فاتت كنت تايهة أوي فعملت سيرش كتير وقرأت شوية كتب بالمناسبة اكتشفت إني بحب القراءة وعرفت إني كنت بعامل بابا وماما بطريقة مش كويسة ونسيت قيمتهم ودورهم في حياتي فاستغفرت ربنا وحاولت أصلح من نفسي.
بابا في خىناقاتي مع ماما كان واخد الدور الأخير آخر حاجة بتلجأ لها وبعدين مفيش نقاش مفيش كلام مفيش رأي فكان يشىخط فيا الشخطة أسكت خالص وأحس بالظىلم والقىهر وأجري على أوضتي وأتضايق من كتر شكوى ماما.
وكان دايما يقولي حاولي تصلحي من نفسك كنت أزعل أوي من الجملة دي لو جينا للحق هي مفيش حاجة اتغيرت أنا لسه زي ما أنا لسه زعلانة منه ومنها ولسه حاسة بالظىلم والقىهر وإنهم بعاد عني ومش فاهمني بس قرأت مرة في كتاب إن علشان تستقل لازم تكون لنفسك حياة خاصة وأنا بحاول أعمل كده.
بحاول أكون كويسة أكتر أخلاقي أحسن تصرفاتي أهدي تعاملاتي أفضل بحاول أكتم حزني وۏجعي بحاول أنسى الماضي بحاول أتقبل وحدتي مرة
صحيح لكنها نجاة.
بقيت أكره الزحمة واللمة واصدع من الدوشة وأتضايق من مناقشة ملهاش هدف.
تعرفي تشرحيلي الجزء ده
لا مش عارفة.
ومش بحب أقدم مساعدة تفتح باب أنا في غنى عنه.
تعبت من المذاكرة فوقفت شوية قدام الشباك وسرحت في أفكاري. ماما دخلت وحطت كوباية شاي من غير ما أطلب على المكتب وقبل تمشي مسكت إيدها وحىضنت وسطها وغمضت عيني.
سمعت ضحكتها وصوتها بيقول
تعرفي إنك من صغرك بتحىضنيني بنفس الطريقة فكرتيني بأول يوم مدرسة قبل ما أسيبك وأمشي مسكتي فيا كده ومرضتيش تسبيني أبدا.. فاكرة
ياريت أنسى.
إمتى هيكون عندي أصحاب
لما تروحي المدرسة
رفعت راسي واعترفت بضعف
ساعات بتمنى اليوم ده يتعاد وأفضل ماسكة فيك لحد ما تزهقي وتروحيني معاكي أو أقولك علميني إزاي يا ماما ميكونش عندي أصحاب.
عيونها دارت على ملامحي لسه زعلانة من عيال ثانوي
سيبتها ورتبت المكتب بدون داعي.
لا ساعات بس بييجوا على بالي لكن هما اتنسوا خلاص.
خلصت أول ترم في تاني سنة والنتيجة طلعت فصورتها وروحت البيت. مجرتش في الشارع علشان ميصحش ومتنططش على السلالم علشان مينفعش وملفتش حوالين نفسي وبوست خد بابا علشان أنا كبيرة خلاص. كل اللي عملته إني وقفت قدامه بابتسامة فخورة ووريته صورة النتيجة
الأولى يا بابا الأولى على الدفعة.
بابا لما بيفرح بيا بيقول الحمدلله وبيديني فلوس وماما لما بتفرح بيا بتزغرط وبتعملي حاجة حلوة وبتحكي خالتي
