اخو زوجى والفراخ

اخو جوزي بيطلع السطح عند الفراخ والبط علشان يعمل؟ وابني الصغير هو اللي اكتشف سره
قبل مانبدأ قصتنا النهارده أحب أعرفكم علي بطلتنا اللي أسمها مديحه وعندها 35 سنه متجوزه وعايشه في بيت عيله مع أخوات جوزها الاتنين

في يوم كانت مديحه واقفه في المطبخ ودخلت عليها حماتها صفيه وقالت

صفيه
هااا طمنيني يامديحه الاكل جهز لان زمان ذكريا جوزك علي وصول خلاص

مديحه
اه ياحماتي خلاص الرز اهو قرب يتشرب

صفيه
طيب كويس انا قولت يعني بما ان ذكريا بيغيب اربع ايام عننا ويروح شغلو ويجي يومين بس قولت يعني نتجمع كلنا النهارده علي الغدا سوا بقالنا فتره معملنهاش

مديحه
والله يازين ماعملتي ياحماتي انو نكون عيله واحده متجمعه علي سفره دي بتكون حاجه حلوه اوي

صفيه
ايوه طبعا اللمه دي بتكون عزوه وسند اسيبك انا بقا تكملي انتي الاكل وانا هنادي علي تغريد سلفتك تيجي تساعدك كمان

تغريد
جات فالوقت ده وقالت
مين جااايب في سرتي بقا ياحلوووووين

صفيه
بضحكه وقالت
مش لو كنا افتكرنا ميت جنيه كان زمنها جات يامديحه

تغريد
اخص عليكي ياحماتي بقا كداا طب والله لزعلانه منك بس هه

صفيه
انا مش قصدي ياحبيبتي انا بهزر معاكي هو انا ليا غيرك انتي ومديحه والله يابنات يعلم ربنا مش انتو مراتات عيالي بس بحبكم زي عيالي بالظبط هو اه انا مجبتش بنات وانا بعتبركم بناتي

قربت منها تغريد ومديحه وحضـ,ـنوها وقالت مديحه

مديحه
وانا والله بحبك جدااا بصراحه انتي الحما اللي جات ضر*بت كل توقعاتي عن الحموات خالص بجد انا محظوظه بيكي والبت الفعوصه تغريد دي يعلم ربنا انها اختي الصغيره كمان

تغريد
ضحكت وقالت
طيب بس طيب لان تكه كمان وهكلك انتي وحماتي علي حلاوتكم دي ياعيلة قمر انتو

صفيه
طلعت من حضـ,ـنهم وقالت
طيب يلا يلا كل واحده تشوف وراها ايه واعمل لأن زمان اجوازتكم علي وصول يلااا
وسابتهم ومشيت

مديحه
والله الوليه دي حرام تتصنف ضمن الحموات علي حنيتها وطبيتها دي

تغريد
اه والله واحده طيبه وهي اللي ربت عيالها هي وجوزها علي الاحترام والخير بس تحسي انو حسين اصغر واحد فيهم ده غيرهم خاالص كدا

مديحه
ازاي يعني غيرهم قصدك ايه

تغريد
علطول هادي كدا مع نفسو وساكت ومش بيحتك بحد بيرد الكلمه علي قد كلمتها وخلاص مع اني اعرف انو الصغير بيكون فرفوش كدا بس هو ياساتر تعرفي يامديحه انا اوقات بخاف منو

مديحه
وهي بتغسل المواعين
طب والله حسين ده حتت سكره هادي في نفسه وبحسه عاقل ورزين ده انا اوقات بتمني احمد يطلع زيو وبعدين الحمد لله انو هادس بدال مكان طلع متشيطن

تغريد
علي رأيك والله يلا ربنا يصلح حاله

مديحه
طيب يلا بقا ياختي نروح نجهز السفر علشان ذكريا جوزي قرب يوصل خلاص

بعد وقت كان وصل زكريا جوز مديحه ومحمد جوز تغريد وحسين وكلهم اتجمعو علي السفره واتكلمت صفيه وقالت

صفيه
المرادي خاسس اوي ياذكريا مش بتاكل في الشغل ولا ايه

ذكريا
لا والله باكل بس زي ماانتي عارفه اكل بره بيكون عامل ازاي طبعا ميغنيش عن اكلك ياست الكل اللي بيرم جسم الواحد كدا

صفيه
بمشاغبه وهزار
اممممم اكلي انا بردو شوف الواد وبكاشته يامحروص

محروص
بصراحه هو عندو حق اللي يدوق اكل مديحه وتغريد ميجلهوش نفس ياكل اي حاجه تاني بصراحه اكلهم لا يعلي عليه

صفيه
شوف الراجل اللي بشهده بيقول ايه..

مديحه
بضحك
ولا تزعلي نفسك ياحماتي انتي اكلك قمر وبعدين اللي خلانا كدا مش تعليماتك لينا طول الوقت مش كدا ولا ايه ياتغريد

تغريد
ايوه طبعااا هو في بعد نفسك في الاكل ياحماتي ياسكر انتي

صفيه
بضحكه
لا لا ثبتوني خلاص بعد كلامكم ده مش هقول حاجه تاني خلاص

محمد
وهو بياكل قال
ايه ده هو الموضوع خلص علي كدا اومال فين الاكشن فين فين كيد الحموات فينه لالا انا الموضع ده ميعجبنيش بصراحه

تغريد
يعني انت اول ماتيجي تتكلم تقول كدا كل يامحمد كل ياخويا انت هفتان اووي بس اوعي تقرب علي كتفي بسس احسن تبلعه بالغلط

محمد
هه حبيبتي ياناس شايفين الحنيه والرومانسيه ياجدعان

وفضلو في جو اسري جميل مليان ضحك وهزار في الوقت ده وجه اتكلم محروص ووجه كلامه لحسن وقال..

محروص
قولي ياحسن عملت ايه ملقتش ولا شغلانه تشتغلها مناسبه معاك

حسن بإختصار
لأ

محروص
ازاي يعني طيب المشكله فين ده انت حتي معاد شهاده من كليه تجاره يعني كليه مطلوبه في الوقت ده

حسن بجمود
مبقاش في الكلام ده دلوقتي محدش بقا يشتغل بي شهادته

محروص
ازاي يعني

حسن
اهو زي مابقولك كدا وبعدين انا شبعت خلاص
وقام حسن

صفيه
طب ماتخليك قاعد معانا شويه طيب بدال مابتطلع تقعد لوحدك علي السطوح

حسن
برتاح فوق اكتر واتمني محدش يزعجني
وسابهم حسن وطلع كالعاده علي السطوح

صفيه ادايقت علي حال حسن وانو مش لاقي شغل حس بيها ذكريا وقال

ذكريا
متزعليش ياما ودايقي نفسك هو حال الشباب كلو بقا كدا الايام دي هو بس لازم يشد علي نفسو ويتمرمطله شويا في الشارع علشان يشد بس عوده بعد كدا هيلاقي ان شاء الله حاجه مناسبه ليه ادعيله انتي بس

صفيه
والله بدعيله وبدعي ليكم كلكم ياحبايبي

مديحه
حبيبتي ياحماتي ربنا يخليكي لينا ويباركلنا في صحتك وانتي وعمي محروص يارب

صفيه
ويباركلي فيكم يلا بقا قومي انتي وتغريد لمي السفر دي وكل واحده تاخد جوزها وعيالها وتطلع شقتها

مديحه وتغريد في صوت واحد قالو
حاضر

وبدأ يعملو اللي مطلوب منهم وكل واحده طلعت هي وجوزها شقــ,تها وفي شـــــ.قة مديحه وذكريا اللي اول مادخل قال

ذكريا
واخيرا رجعت البيت ده الواحد بيستني بفارغ الصبر يجي اليومين دول اجازه علشان يريح فيهم
ونام فرد جســ.مه علي الســـ,رير

مديحه
ربنا يقويك ياخويا ويباركلنا فيك ويخليك ليا انا ابنك

ذكريا
إلا هو فين ابن الكلب ده مشفتهوش من ساعة ماجيت

صفيه
كان بيلعب طول النهار في الشارع ورجع طبعا مهدود زي ابوه كدا ونام

ذكريا
والله عجبي واحد مهدود من اللعب وابوه الشغل بس مافيش مانع انو ابوه يلعب شويه هو كمان
وبص لمديحه وغمز ليها

مديحه
فهمت قصده وضحكت وقالت
شوف الراجل وعمايله

وفي الوقت ده اخدها ذكريا في عالمهم الخاص

تاني يوم الصبح نزلت تغريد من شقتها ولقيت في وشها حسن نازل وماسك شنطه كبيره اووي وبتنقط دم اتخضت تغريد

تغريد بخضه
صصباح الخير ياحسين ايه اللي في إيدك ده ورايح فين ياخويا علي الصبح كدا

حسين بإختصار
ولا حاجه دي حبة كراكيب في السطح رايح ارميهم
ومسبها ومشي من غير مايسمع ردها