قصة اليوم بعنوان “لعبة العروش”

تقول صاحبة الرسالة …

أنا ست عندي 52 سنة، من أسره متوسطة عُلْيا، ولمّا اتجوزْت، جوزي كمان وفّر لي حياة مرفّهة جداً.

خلّفت ولدين “آدم” و”آيزاك”، وعشْت الحياة اللي بتشوفوها في التليفزيون بتاعة ستات البيوت المتدلعة اللي بتكون مهتمة بترتيب الحفلات والشوبينج والخروجات.

بس للأمانة جوزي كان شايف فيا اللي أكتر من كده، عشان كده إدّاني فلوس وقاللي اشتري أسهم في البورصة.

بسرعة مش قادرة أصدّقها كنت بحقق أرباح، صحيح كان معايا وكيل بيدّيني نصايح، بس كأني لقيت شغَفي في الحياة بجانب إني زوجة وأم، كوّنْت ثروة مش قليلة إطلاقاً من رؤيتي للأسهم وحركِتها وخبرِتي اللي اكتسبتَها بسهولة شديدة.

ومرّت السنين بشكل هادي، أولادنا دخلوا الجامعات اللي حبّوها، آدم بقى دكتور وقدر في وقت قليل يشتري بيت خاص بيه و يتجوّز “سوزن” ويبدأوا حياتهم!

لأسباب مجهولة جداً سوزن كانت بتتجنّبني كأني جربانة! كل ما اعمل تجمّع عائلي تعتذر، كل ما اعمل حفلة ما تجيش!

وزاد الوضع لما خلّفِت! خلّفِت أولى أحفادي “إيڤ”، وبعدها “إيلين”، وفي المرّتين كانت بترفض إني أساعدها في أي حاجة! حتى حفلة استقبال الأطفال رفضِت إني أنظمها لها في بيتي!

تمام براحتها!

الأعياد والمناسبات بتفضّل تقضّيها عند أمها! ومهما حاولْت أتحايل عليها تقضّي أي عيد عندي تقوللي لأ يا حماتشي أصل ماما ما بتحسّش بالعيد غير وأنا عندها!

حارماني من أحفادي حرفياً ماليش أي علاقة بيهم! لدرجة إنها لما جت تنزل الشغل – هي كمان دكتورة – عرضْت عليها كل مرّة إنها تعدّي عليا البيبيز آخد بالي منهم لغاية ما ترجَع – بيت آدم قريب مني – لكنها كل مرّة كانت بتفضّل ترُوح بعيالها لـ فيصل عند أمها ولا تسيب لي العيال أشبع منهم!

عمري ما بخلت عليها ولا عمري طلبْت منها حاجة مبالَغ فيها! ما طلبْتِش منها تقوللي يا ماما، ولما حاولْت أشرِكها معايا في اللي بعمله وقلت لها عايزاها تساعدني في تنظيم حفلة جرْيِت على آدم وقعدت تسحّ وتنحّ وتقول له إني بشيّلها فوق طاقتها وإني بتعامل معاها على إنها خدّامة، وإنها بنت ناس ومش هترُوح تساعد حد في بيته ما دام واقفة على رجلي ما اتشلّيتش يعني!

بعد ما جوزي مات وفي لحظة فتْح الوصية اكتشفْت إنه عمل حاجة مش قادرة أستوعبها للحظة دي، يمكن لأنه عمره ما اتكلم عليها أبداً! جوزي طول عمره حقّاني جداً بس اكتشفنا إنه سايب وصيته بالكامل ليا لوحدي، على إني أقسّمها زي ما أنا عايزة ما بين الأولاد في وصية خاصة بيا!

آه كان ده نَصّ الوصية، مش إنها تتقسّم بالنصف بينهم، لأ! زي ما أنا عايزة! بس في المقابل سايب لهم مبالغ مادية سايلة بالتساوي!

“آدم” و”آيزك” كان باين عليهم التأثّر، ولما حاولْت أطمّنهم إني عمري ما هفضّل حد فيهم على التاني، آدم باس إيدي وقاللي يجعل يومي قبل يومِك يا امّا هو احنا هنبصّ لشوية ورق ملون، وآيزك قاللي حسِّك بالدنيا يا امّا الحاجة ايرين!

قعدنا اتعشّينا مع بعض، سوزن كانت موجودة مع البنات وكان باين عليها الصمت أكتر من اللازم، الحقيقة إني ما اهتمّيتش لأن الوضع أصلاً مش مناسب إننا نتشقلب من الفرحة وهي في العادي طوبة فـ متوقّعة منها إيه يعني.

ومرّت السنين بهدوء لغاية ما ابني آيزك جه قاللي يا امّا عايز أكمّل نص ديني، آيزك محامي وكان اشترى بيت في نفس الشارع بتاعي، البيت فعلياً كان غالي جداً حتى بالنسبة لدخله العالي، لكن اللي ساعده في ده الفلوس اللي سابها له أبوه حطّها مقدمة للبيت.

وقتها قلت له وأنا في ديكي الساعة يا واد! حاطط عينك على حد والّا أشوف لَك سارة بنت خالتَك؟

قاللي إنه حاطط عينه على واحدة وعزمْتُهم على العَشاء عشان أشوفها لأول مرّة.

“ميريت” مسيحية من أصول شرق أوسطية، جمالها كان هادي جداً ولبْسَها شيك وراقي، لقيتها داخلة بـ كاسرول مكرونة بالصوص!

لما قلت لها إني عازماهم قالت لي يوه يا ماما انتي بتعملي تكليف ليه؟

اللي استغربْته أكتر من الكاسرول كان بنتها “سامي” اللي عندها 7 سنين، ما كنتش اعرف إنها كانت متجوزة وعندها أطفال.

البنت كانت حتة بونبوناية زي أمها ويمكن أكتر، بعد قعدة عشاء حـ,,ـميمية كأننا أسرة من سنين، طلبْت من المُساعدة تشيل الأكل، وقمت لقيت سامي بتجري ورايا وبتمسك إيدي، بصيت لها لقيتها بتحط إيدها على بقها وبتقول هششش وراحت مطلّعة من جيبها شوكولاتة صغيرة وقالت لي” دي ثوكولاتة وبوثة بث ما تقوليث لماما عثان مث مثموح لي آكل ثوكولاتة عثان أثناني وقْعت ومث عايزة أضعفها والجديدة بتطلع”.

يا قلبي

خرجِت ميريت اليوم ده هي وبنتها وواخدين حتّة من روحي، لما آيزك سألني تاني يوم عن رأيي فيها قلت له ده انت تتجوّزها حالاً بالاً فالاً!

ميريت كانت من خلفية أبسط مننا بكتير، وحتى دلوقتي دخلَها أقل من دخل آيزك لأنها بتشتغل مدرّسة، وعلى الرغم من كده كانت خجولة جداً، بتتعامل مع الهدايا الغالية بإحراج شديد، في الأول كنت فاكراها مش عاجبها ذوقي بس في عيد ميلادي عرِفْت السبب، ميريت اشترت لي من دخلها الخاص إزازة برفان غالية جداً فعلاً! صمّمِت إنها تجيب لي هدية منها، وآيزك يجيب لي هدية!

تاني يوم طلبْت منها تيجي تفطر معايا وجت بالفعل، فتحْت معاها الحوار اللي حصل وقلت لها إنها وآيزك واحد ومش لازم تحس إنها مجبرة تهاديني من دخلها الخاص، قالت لي إنها عملِت كده بحب لأني أستحق ده وأكتر!

ميريت … قولي لي يا ماما!

آيزك اتقدّم لها بالفعل واتجوّزوا، ميريت ما عاشتش معاه قبل الجواز لأن خلفيتها متشددة نوعاً، وده بالنسبة لي كان سبب تاني عشان أحترِمها، مخلّفة بنت زي السكر وبتتعامل بخجل عذراء في القرن الـ 17!

ميريت كانت بتقضّي معايا معظم وقتها، كونها مدرّسة ده بيدّيها مساحة أجازة طويلة فعلاً، ميريت وسامي ملوا عليّا حياتي اللي كانت أصبحت فارغة بعد مـ,,ـوت جوزي.

وميريت أصبحِت حامل.

كنت متخوّفة أطلب منها أرتّب أي حفل للجَنين، بس لقيت والدتها بتتواصل معايا وبتقوللي إنهم بيرتّبوا لحفلة في البيت عند آيزك وعايزاني عشان تاخد رأيي!

رأيي كان مهم بالنسبة لهم! وأنا بكتب دلوقتي جه في بالي سؤال أي حد بيقرأ هيسأله .. طلبوا مني أروح عشان أدفع مصاريف الحفلة؟

الإجابة لأ! أهلها شاركوا مع آيزك بمبلغ مش قليل بالمرّة، لو كانوا عايزينّي عشان يستغلّوني مادياً حقيقي ما كنتش همانع ده!

أنا في سن يخليني متصالحة مع فكرة إني أشتري السعادة بالفلوس وأنا راضية، بس همه ادّوني السعادة بدون مقابل.

وجه حفيدي من آيزك، ميريت قالت إنها حابّة تسمّيه چون على اسم جوزي السابق! ده كان اختيارها هي، تكرّم سيرة جوزي الراحل على الرغم من إنها ما شافتهوش أصلا!

ومن وقتها وأنا مجنونة بأحفادي “سامي” و”چون”، ومش هنكر إني بغدق عليهم بالهدايا، من أسبوعين كان عيد ميلاد سامي اللي سألْتها قبلها تحبي أجيب لِك حصان؟

قالت لي أي حاجة منِّك هتبقى حلوة يا تيتة!

يا روح تيتة يا قلب تيتة!

ما جبتِش الحصان لأني بعد ما اتكلمْت مع ميريت لقت إن مصاريف الانفاق عليه شهرياً هتكون كتيرة وهي مش حابّة ده، على الرغم إني صمّمْت إني أدفع مصاريف رعايته في الاسطبل الخاص بيه معنديش مشكلة، إلا إنها برضه رفضِت.

فـ قرّرْت أهدي سامي سلسلة فيها دلّاية ألماظ، دي كانت قطعة متوارثة في أسرتي، سامي فرحِت بيها بشِدّة، ولبسِتْها في الحفلة، وعرِفْت إنها رافضة تقـ,,ـلعها حتى لما ميريت صمّمِت تخـ,,ـلعها قبل ما تروح المدرسة، سامي كلمتني مفحومة من العياط إنها مش عايزة تخـ,,ـلع هديتي!

كلّمْت ميريت واستسمحتها تسيبها لابساها، قالت لي إنه مش مناسب تروح المدرسة بيها بس هي مش هتحب تضايقني، واتفقنا احنا التلاتة أسبوع وتخـ,,ـلعها وتسيبها مع ماما في البيت.

ومن هنا بقي بدأِت الدراما!

فاكرين سوزن مرات آدم ابني؟ دي تقريباً ما صدّقت حد دخل حياتي واختفت بعيالها تماماً، آدم كان بيتواصل معايا ويزورني ويتطمّن عليا لوحده، وللأمانة الشديدة الموضوع ده ما سبّب ليش أي مشاكل لأني فعلياً ما بقيتش مهتمة لوجودها!

الست سوزن بقى فجأة كده لقيتها بتكلمني وباين على صوتها إنها منفعلة وبتسألني إذا إدّيت لـ بنت ميريت سلسلة ألماظ.

قلت لها آه وأنا مستغربة!

هنا بقى انفجرِت وقالت لي إني بفضّل عيال ميريت على عيالها، وما بكلّفش خاطري أشتري لأولادها حاجة وبكتفي في عيد ميلادهم أبعت لهم كروت مشتريات، وإني موجّهة كل فلوسي لـ ميريت وعيالها.

وإني كده كأني بقول لعيالها إني بفضّل أولاد آيزك وميريت عليهم!

قلت لها وليه كأني؟ أنا فعلياً بفضّلهم عليهم وهي السبب في ده!

اتفتحْت فيها إني حتى إني أهادي أحفادي كنت محرومة منه، مفيش هدية جبتَها عجبِتْها، وإنها هي اللي اقترحِت أهاديهم فلوس أفضَل عشان “ذوقي” مش مناسب للأطفال اللي لسه ما كوّنوش ذوق أساساً!

قلت لها إني من حقي أهادي مجوهراتي للّي يستحقوها ومش هي اللي هتيجي تقول لي أعمل إيه في مالي!

قالت لي لأ يا حماتي مش مالِك ده مال جوزي! وإذا كنتي ناوية تبعزقيه قبل ما تمـ,,ـوتي على العـ,,ـار والدون يبقى لازم يتحطّ لِك حدود!

صـ,,ـرخْت فيها لأنها كانت بتشتم في ميريت بكلامها ده، إلّا إنها كمّلت إن سامي مش حفيدتي أصلاً ومش بنت آيزك، وإنها هتقول لآدم يرفع عليّا قضية إني مختلّة ويمنعني من التصرف في فلوسي!

قلت لها إن سامي حفيدتي أكتر من عيالِك يا صفراء يا أم غلّ! قلت لها إنها جعانة ولو حاولِت تقلِب ابني عليّا ونجحِت فـ أنا ليا وش تاني محدّش يعرف بيه!

قفلت السكّة في وشها وكلمْت آدم اللي قاللي إنه مشغول في المستشفى، قعدت أصـ,,ـرخ فيه ييجي حالاً!

في خلال ربع ساعة كان جاي لي على ملى وشّه، حكيت له اللي حصل من مراته كان مصدوم، في الوقت ده كانت بتحاول تكلمه رد عليها بعصبية وقعد يصـ,,ـرخ فيها إنه مش هيسمع منها أي كلام قبل ما تعتذر لي وإنه عندي في البيت لغاية ما تعمل كده!

رد فعله كان كأنه ميّة باردة اتدلقِت على نار غضبي طفته، مجرد إحساسي إن العقربة دي ممكن تقلِبه عليّا كان مرعب بجد!

على مدار الأيام اللي تلت الخناقة دي كنت بشوفه بيتابع مع المحامي بتاعه، لما سألْته عن السبب قاللي إنه بيضمن إن عقد حماية الممتلكات ساري ومفيهوش ثغرات! قلبي وجعني وقلت له إني مش هحب إنه ينفصل بسببي قاللي إنه بيشوف كل الاحتمالات عشان ما يحسّش إنه هيتغفِّل!

في نهاية الأسبوع جت سوزن وهي مبربرة وعينيها وارمة، كان العيال معيطين برضه وقاعدين بعيد عني وعن أبوهم! قعدِت بقي تعيط بزيادة وتقوللي إني عمري ما فهمْتَها وعمري ما سعيت أقرّب منها، وإن ميريت ساحرة، وأهلها من قرون معروفين بالسحر وعايزة تجيب حد يقرأ عليّا!

قلت لها السحـ,,ـر كان في تصرفاتها وهي بأسلوبها خلّتني قريبة منها ومن أولادها، قالت لي خلاص نبدأ من أول وجديد وصفحة بيضاء!

قلت لها تقدر تعمل اللي هي عايزاه بس أنا مش هعدِل بينها وبين ميريت في التعامل، لأن اللي بيني وبين ميريت اتبنى في سنين والفجوة اللي بيني وبينها – سوزن – وسعِت في سنين أكبر.

آدم كان معاها وهي ماشية مبربرة وسامعاها عمّالة تقول له شايف أمك عايزة تفرّق ما بينك وبين أخوك في المعاملة وتخلّيه هو وميريت ملوك البيت ويورثوا كل حاجة لوحدهم ازاي.

مش عارفة آدم هيصمد قدام سمّها أد إيه، اللي مخوّفني أكتر إني قلقانة تؤ,ذي ميريت أو سامي أو چون!

بس أعتقد إنها أجبن من كده … مش هتقدر تضايقهم دلوقتي، يمكن بعد ما أمـ,,ـوت!

أنا هعمل وصيّة أأمِّنهم فيها! لازم أعمل كده!

#ريديت

إقراء ايضا

تتيح خدمة خرائط قوقل google maps من تصفح المواقع بشكل مباشر وبشكل واضح ومجاني من خلال تطبيق خرائط قوقل .
وقد ساهم تطبيق خرائط قوقل ماب في الوصول للمواقع بدون مجهود وذلك من تحديد موقعك عبر التطبيق سيتم تحديد الموقع المتواجد به ثم إرساله لصديقك بشكل مباشر بدون أي أخطاء .
وقد ساهمت خرائط قوقل في عرض المواقع بجوده عاليه وذلك من خلال فتح التطبيق ثم تحديد الموقع المراد عرضه وتصفح الموقع بشكل مباشر ومجاني.
تحديث خرائط قوقل في السـ,,ـودان
ضجت محركات البحث في الأيام الماضية عن تحديث لتطبيق خرائط قوقل ماب في السـ,,ـودان وتحديداً العاصمة الخـ,,ـرطوم وامدرمان وبحري واجزاء واسعه من مناطق السـ,,ـودان.وقد أظهرت التحديثات الأخيرة لخرائط قوقل ماب شكل الدمـ,ـار الذي حدث في مطار الخـ,,ـرطوم الدولي وتحديداً صالة المغادرة بالإضافة إلى شكل الدمـ،ـار في الطائرات في مدرج المطار والدمـ,ـار الذي لحق برج شركة النيل للبترول وقطع كبري شـ,,ـمبات.